Stúdentsbraut í tölvuleikjagerð
Námsleiðin stúdentsbraut í tölvuleikjagerð verður ekki í boði í Keili á haustönn 2024. Námsleiðin færist til Fjölbrautaskóla Suðurnesja og frekari upplýsingar má finna á heimasíðu þeirra.
Stúdentsbraut í tölvuleikjagerð byggir á hagnýtum verkefnum með sterkum tengslum við atvinnulífið þar sem lögð er áhersla á færni til framtíðar, nútíma kennsluhætti og vinnuaðstöðu í sérklassa. Markmið okkar er að bjóða upp á nám í tölvuleikjagerð sem svarar bæði ákalli atvinnulífsins eftir vel menntuðu og sérhæfðu starfsfólki og áhuga ungs fólks á menntun til starfa í skapandi greinum.
